Շուշիի անկումից հետո երկու անգամ այն վերադարձնելու փորձ է արվել: Այս մասին ֆեյսբուքյան ուղիղ եթերում հայտարարեց Նիկոլ Փաշինյանը:Վարչապետի խոսքերով, այդ փորձերից մեկն ամբողջությամբ ձախողվել է, իսկ մյուսի ժամանակ մի ջոկատի հաջողվել է ներս մտնել.
«Շուշիի շուրջ լրատվությունների ամբողջ հակասությունները կապվում են հենց սրա հետ: Որովհետև մի օր, ես հիմա չեմ հիշում կոնկրետ օրը, Շուշին ըստ էության անցավ հակառակորդի հսկողության տակ, որից հետ մի գրոհ եղավ նորից ետ վերցնելու, ինչը ձախողվեց:
Հաջորդ օրը մեր ջոկատներից մեկին հաջողվեց մուտք գործել Շուշի:Ահա այդ հակասությունները՝ մարտերը շարունակվում են, ում հսկողության տակ է, ամբողջը կապվում է այս խնդրի հետ: Բայց մեծ հաշվով, ցավոք, իրադրություն այդ առումով չի հաջողվել փոխել»:
