Ինչպես արդեն այսօր հայտնել էինք՝ ԱԺ-ի՝ այսօրվա նիստում պարբերաբար ընդհարումներ եղան իշխանական և ըննդիմադիր ուժերի միջև:«Բարգավաճ Հայաստան» խմբակցության պատգամավոր Միքայել Մելքումյանի ելույթից հետո պատգամավորները չէին հանդարտվում։
«Ռուսաստանի Դաշնության հետ Նիկոլ Փաշինյանը կարողանալո՞ւ է խոսի, իհարկե ոչ, չի կարողանալու խոսի։ Դրա համար ասում եմ, պարոն Ջանջուղազյան, դուք նախարար եք, միակ էսօր կառավարության անդամն եք։ Կմոտենաք էս ամբիոնին, դուք մենակ ֆինանսների նախարար չեք, դուք քաղաքական գործիչ եք և հրաժա-րականը կներկայացնեք։ Պաշտոնյաները, նախարարները շարքով պետք է հրաժարական տան, սա սովորական օր չի, եկել եք նստել եք, թե՝ բյուջե։
Եկեք ստեղ ու հրաժարական տվեք, հենց հիմա հրաժարականը կարդացեք ու գնացեք․․․»,- ասաց Մելքումյանը։ Նշենք, որ ընդդիմադիր ուժերը լքել են նիստերի դահլիճը՝ պարզաբանելով, որ իրենք այդտեղ են կառավարութ-յան հրաժարականի հարցը քննարկելու համար:
