Սև պղպեղի յուղն ունի մի շարք սննդարար տարրեր, որոնց շարքին են պատկանում այնպիսի կարևոր վիտամիններ, ինչպիսիք են վիտամին A-ն և K-ն: Այս երկու վիտամիններն էլ չափազանց կարևոր են տեսողության, արյան շրջանառության և նյութափոխանակության համար:
Յուղը նաև պարունակում է այնպիսի օգտակար տարրեր, ինչպիսիք են՝ կալիումը, կալցիումը, սելենը, որոնք օգտակար են ոսկորներին, արյան ճնշմանը, եղունգներին, մազերին և ատամներին:
Ձեզ ենք ներկայացնում տնական 4 միջոցներ, որոնք կսնուցեն ձեր մաշկը:
1. Յոգուրտ և սև պղպեղի յուղ
1 ճ/գ սև պղպեղը խառնեք 2 ճ/գ յոգուրտով: Խառնուրդը քսեք մաշկին և տրորեք շրջանաձև շարժումներով: Ապա լվացեք սառը ջրով: Այս խառնուրդը մաքրում է ծակոտիները, հեռացնում կեղտն ու նվազեցնում սպիները:
2. Մեղր և սև պղպեղ
Բաղադրություն
Ձվի սպիտակուց
Կես թեյի գդալ սև պղպեղ
1 ճ/գ մեղր
Պարզապես խառնեք բոլոր բաղադրիչները և խառնուրդը քսեք դեմքին: Թողեք մնա 15-20 րոպե, ապա լվացեք ջրով: Դիմակը կմաքրի ակնեն և բշտիկները:
3. Պայքարեք ցելյուլիտի դեմ սև պղպեղի միջոցով
100 մլ մարմնի քսուքին ավելացրեք 3-4 կաթիլ սև պղպեղի յուղ: Ամեն առավոտյան և երեկոյան մերսեք այն հատվածները, որտեղ ցելյուլիտ կա:
4. Մարմնի յուղ
Բաղադրություն
2 ճ/գ նշի յուղ
2 ճ/գ քունջութի յուղ
4 կաթիլ սև պղպեղի յուղ
Բոլոր բաղադրիչները խառնեք, որպեսի համասեռ զանգված ստանաք: Խառնուրդն օրական երկու անգամ քսեք այն հատվածներին, որտեղ ցելյուլիտ կա: Յուղը կլավացնի մաշկի էլաստիկությունն ու կօգնի ազատվել ցելյուլիտից:
