Հատկապես տարվա տաք եղանակներին նիհարել ուզում են գրեթե բոլոր կանայք և նույնիսկ շատ տղամարդիկ: Բնություունն ի՛նքն էլ է օգնում ավելի շատ լինել մաքուր օդում, ավել հաճախ դուրս գալ զբոսանքի, որն էլ իր հերթին նպաստում է գոնե մի քանի կիլոգրամով նիհարելուն:
Վարունգով արդյունավետ դիետա՝ 1 շաբաթվա համար
Վարունգն էլ կարծես բնության կողմից հատուկ ստեղծված է նիհարելու և օրգանզմը մաքրելու համար: Մի քանի խոսք վարունգի օգտակար հատկությունների մասին…
Ձմռանը կուտակած ավելորդ կիլոգրամներից ազատվելու համար շատերն են դիմում արագ գործող դիետաների: Այդպիսին է նաև վարունգային դիետան:
Մեկ շաբաթյա վարունգային դիետան անվնաս է և արդյունավետ՝ օրգանիզմին չի ստիպում քաղցել, չի զրկում անհրաժեշտ նյութերից: Սակայն, այնուամենայնիվ, արժե այդ ընթացքում օգտագործել որոշ վիտամիններ:
Այս դիետային պետք է հետևել մեկ շաբաթից ոչ ավելի:
Եվ այսպես՝ առավոտյան խմում ենք մեկ բաժակ ջուր: Մոտավորապես կես ժամ հետո նախաճաշում ենք, որը չպիտի գերազանցի 200 կկալ: Խորհուրդ է տրվում գործածել ձու, պանիր, կաթնաշոռ, կաթ, կարագ, ձուկ, ցանկացած անյուղ միս, շիլա, հաց:
Արգելվում են՝ երշիկ, թթուներ, ցանկացած տորթ և խմորեղեն:
Նախաճաշի փոխարեն այս 200 կկալ մթերքը դուք կարող եք ուտել ճաշին, բայց այդ դեպքում վարունգով սալաթը կուտեք առավոտյան: Օրվա մնացած մասը պետք է ուտել վարունգով սալաթ (1 կգ վարունգը բաժանել 3 մասի և ուտել մոտավորապես ժ. 12-14, 16-17, 19-20)՝ ամեն անգամ գործածելով մի կտոր սև հաց:
Սալաթի բաղադրատոմսը.
1 կգ վարունգը խոշոր կտրատել, թեթևակի աղ ցանել, ավելացնել 30 գ մայոնեզ կամ անյուղ թթվասեր, կամ 10 գ բուսական յուղ: Ըստ ցանկության՝ կարելի է ավելացնել մի քիչ լիմոնի հյութ, կանաչի՝ մաղադանոս, սամիթ, ռեհան, համեմ:
Այս սալաթի դրական հատկանիշն այն է, որ ունենալով ցածր կալորիականություն, հագեցնում է քաղցը: Ողջ օրվա ընթացքում կարելի է օգտագործել ոչ շատ քաղցր թեյ կամ սուրճ՝ ըստ ցանկության: Քնելուց առաջ կարելի է ուտել որևէ միրգ՝ նարինջ, տանձ, բանան, խնձոր, սակայն մրգերի ընդհանուր կալորիան պիտի կազմի ընդամենը 100 կկալ:
